Loading...

Studimi, narcisistët janë më të përshtatshëm për lider, por jo domozdoshmërisht të mirë


Narcisistët janë më të prirur të mbajnë një pozicion lidershipi, por 
kjo nuk do të thotë domozdoshmërisht që i bën ata lider të suksesshëm, 
sipas një studimi të ri të botuar në revistën amerikane Personnel Psychology.

“Narcisismi” është një term që përdoret për të përshkruar njerëzit që 
karakterizohen nga një egoizëm i tepruar, që admirojnë pa baza logjike 
dhe qorrazi atributet mendore dhe fizike të vetes së tyre; që në njëfarë mënyre
 bien në dashuri me veten.
Studiuesit nga universiteti  Nebraska-Lincoln analizuan të dhëna mbi narcisizmin 
dhe lidershipin për të gjetur se si mund të performojnë liderët me nivel të lartë dhe
 ata me nivel të ulët të narcisismit.

“Përgjigjja jonë ndaj pyetjes që nëse narcisismi është i mirë apo i keq, është shumë 
e qartë: asnjëra nga këto të dyja. Narcisismi duhet të jetë i moderuar. Me një
 nivel të ulët të narcisismit, lideri mund të shihet si i pasigurtë dhe hezitues. Ndërsa
 kur ka një nivel të lartë të narcisismit, ai mund të bëhet shfrytëzues dhe tiran”, thotë
 Emily Grijalva, studiuese e universitetit të Illinois.

“Kjo ndodh për shkak se njerëzit me nivel të moderuar të narcisizmit kanë gjetur
 ekujlibrin e artë për të qenë vetëbesues, dhe që nuk manifestojnë aspektet negative
 të narcisismit siç është të bërit të të tjerëve që të ndihen mirë për veten e tyre”, 
thotë Peter Harms, asistent profesor i universitetit.

Harms shton se narcisismi mund të shfaqet edhe në situata sporadike – si në
 intervista ose në takimet e para- por të metat e tij bëhen më të qarta me kalimin e
 kohës. Dhe se duhen më shumë studime për të përcaktuar nëse narcisismi priret 
që te jetë më efektiv në situata të caktuara lidershipi.

Në vitin 2012, Harms ishte bashkëautor i një artikulli të publikuar në revistën
 Journal of Applied Social Psychology, dhe tregonte se narcisistët janë më
 të aftë për të lënë përshtypje të mirë në intervistën e parë, që do të thotë se 
narcisistët me nivel të lartë kanë më shumë propabilitet të fitojnë një vend 
pune se ata me nivel të ulët. 
Studimi, narcisistët janë më të përshtatshëm për lider, por jo domozdoshmërisht të mirë Studimi, narcisistët janë më të përshtatshëm për lider, por jo domozdoshmërisht të mirë Reviewed by Oculusnews Albania on 5/06/2014 08:52:00 PM Rating: 5
Loading...
Powered by Blogger.