![Mbi 4500 "ISH-SHQIPTARË" heqin dorë nga PASAPORTA SHQIPTARE në 8 vjet grafik i Personave që kanë hequr dorë nga shtetësia shqiptare sipas INSTAT](https://blogger.googleusercontent.com/img/b/R29vZ2xl/AVvXsEg78azqTIj6TWb17kSUW0mYmV4TJLHPrhZVRK3fPhJVA9FiTO46YITeLVIQXcANnoVk2GkvICJEInprhXmqcqLXqxWzZqevJO9nf8eOwhMH5EmnEObK863y_G9URcS9XSpRU810gJLRCc3c2-kzZxFYEmYRqzG_6d11GWJ0XwmKqcE3kGrwwtCOTO10/w640-h272/I%20patitulluar.jpg) |
Persona që kanë hequr dorë nga shtetësia shqiptare sipas INSTAT |
Shqiptarët jo vetëm po largohen, por po braktisin përfundimisht vendin. Për një pasaportë europiane rreth 4 mijë e 500 persona hoqën dorë nga shtetësia shqiptare në 8 vitet e fundit. Sipas të dhënave nga EUROSTAT, më shumë se 521 mijë qytetarë shqiptarë kanë marrë në 20 vitet e fundit shtetësinë e njërit nga vendet e Bashkimit Europian.
Nga emigrant në shtetas europian. Përherë e më shumë shqiptarët po heqin dorë nga pasaporta e vendit të lindjes për të marrë atë të një shteti që u ofron më shumë, së paku në një drejtim, atë të ekonomisë. Sipas të dhënave nga Instituti i Statistikave vitin e shkuar pati 724 lënie shtetësie, 41 për qind më shumë se në 2020-n e 2-fish më tepër se në 2014-n.
Po çfarë po e shtyn të heqin dorë nga shtetësia? Sipas të dhënave nga Instituti Europian i Statistikave, më shumë se 521 mijë qytetarë shqiptarë kanë marrë në 20 vitet e fundit shtetësinë njërit nga vendet e Bashkimit Europian.
Ekspertët ndërkohë shpjegojnë edhe efektet e braktisjes së vendit.
Sipas të dhënave të INSTAT, rreth 52 për qind e të larguarve nga vendi janë të rinj të grup-moshës 15-35 vjeç.