Kujdes motin nëse keni planifikuar të pushoni në bregdetin shqiptar nesër, mund të bie breshër

vajzë me çadër në plazh në mot me shi

Pavarësisht nëse Shqipëria është karakterizuar nga moti i nxehtë me temperatura të larta ditët e fundit, pritet që nesër moti të shoqërohet me reshje në diza zona të vendit.

Sipas Institutit të Gjeoshkencave, Energjisë, Ujit dhe Mjedisit parashikohet të bijnë reshje lokale në të gjitha qarqet, por që intensiteti i tyre do jetë i ulët.

“Parashikohet që reshjet të bien kryesisht në zonat malore. Në zona të kufizuara të qarqeve, reshjet mund të marrin edhe formën e shtrëngatës, shoqëruar me rrufe dhe breshër”, thuhet një njoftimin e IGJEUM.

Nesër (e diel dt.07 Korrik, 2019) temperaturat minimale dhe maksimale të ajrit parashikohet të shkojnë:

- në bregdet: 20 / 32 °C

- në vendet e ulëta: 19 / 38 °C

- në vendet malore: 15 / 30 °C

Ndërsa era pritet të fryjë e lehtë deri mesatare thuajse në gjithë hapësirën shqipfolëse.
Previous Post Next Post