Kafja nuk është thelbësore për jetën për Zvicrën, përjashtohet nga rezervat emergjente shtetërore

 Qeveria zvicerane dëshiron t'i japë fund rezervave emergjente të kafesë pasi deklaroi se nuk është "esenciale" për mbijetesën njerëzore.

Zvicra filloi ruajtjen e rezervave emergjente të kafesë ndërmjet Luftës së Parë Botërore dhe Luftës së Dytë Botërore në përgatitje për mungesat e mundshme.

Kjo gjë vazhdoi në dekadat e mëvonshme për të luftuar mungesat e shkaktuara nga lufta, fatkeqësitë natyrore ose epidemitë, raporton BBC.

Tani shpreson ta përfundojë këtë praktikë deri në fund të vitit 2022. Por  kundërshtitë janë në rritje.

Aktualisht Zvicra ka 15.300 ton kafe të ruajtur - kjo sasi kafeje është e mjaftueshme që Zvicra të kalojë tre muaj.

Pse ndalohet kjo?

Qeveria zvicerane thotë se kafja nuk është "thelbësore për jetën" kështu që nuk duhet të përfshihet në rezervat emergjente.

"Kafja nuk ka pothuajse asnjë kalori dhe kështu që nuk kontribuon - nga këndvështrimi fiziologjik - në ruajtjen e ushqimit", tha Zyra Federale për Furnizim Kombëtar Ekonomik (në gjermanisht).