 |
Urinimi gjatë natës është si pastrimi i shisheve të ujit - ose e bëni gjatë gjithë kohës, ose jo. Dhe në qoftë se urinoni gjatë natës, është ndoshta diçka që lidhet me problemet. Jo vetëm që mund të ndërpresë gjumin dhe ritmin cirkadik, por nëse i rezistoni shpesh thirrjes për të shkuar (sepse e dini, është ora 3), kjo mund të jetë e dëmshme për organet tuaja të brendshme.
Dhe, sipas hulumtimeve të reja, 'ecejaket' në banjë mund të jenë një shenjë e një çështjeje më shqetësuese shëndetësore. Nëse urinoni shpesh gjatë natës, mund të jetë një tregues i presionit (tensionit) të lartë të gjakut."Studimi ynë tregon se nëse keni nevojë të urinoni natën - që njihet si 'nocturia' - mund të keni presion të lartë të gjakut dhe / ose lëngje të tepërta në trupin tuaj", thotë Satoshi Konno, MD, i Divizionit të Hipertensionit në Spitalin Tohoko Rosai në Sendai, Japoni.
Studimi mori në analizë lidhjen mes urinimit gjatë natës dhe hipertensionit në popullatën e përgjithshme japoneze. Studiuesit zbuluan se rreziku i hipertensionit në të vërtetë u rrit pasi numri i episodeve nocturia u rrit për një natë. Për ta thënë thjesht: Sa më shumë herë njerëzit përdorin banjo e tyre, aq më i lartë rreziku i tyre për presion të lartë të gjakut.
"Kemi gjetur se ngritja gjatë natës për të urinuar lidhet me 40 për qind shans më të madh për të pasur hipertension", tha Konno. "Dhe më shumë vizita në tualet, aq më i madh është rreziku i hipertensionit".
Jo vetëm që këto gjetje janë të rëndësishme për ata që kanë necturia, por Konno shpjegon se ky studim ka implikime për parandalimin e sëmundjeve të zemrës? Sidomos kur kemi parasyshë se mbi 1 miliard njerëz në mbarë botën kanë hipertension, që është një faktor i madh rreziku për sëmundjet e zemrës.
"Zbulimi i hershëm dhe menaxhimi i hipertensionit janë shumë të rëndësishme për të parandaluar sëmundjet kardiovaskulare. Duhet të kemi parasysh se kjo nuk shkaktohet vetëm nga problemet e organeve urinare, por edhe nga sëmundjet sistemike siç është hipertensioni".
Konno thotë se këto rezultate nuk vërtetojnë lidhjen shkakore midis nocturia dhe hipertensionit, por një korrelacion të fortë. "Marrëdhënia midis hipertensionit dhe necturia-s mund të ndikohet nga faktorë të ndryshëm, përfshirë stilin e jetës, konsumimin e kripës, përkatësinë etnike dhe detajet gjenetike".
Me fjalë të tjera, mund të ndodhë që ju thjeshtë mund të keni lëngje të tepërta. Por nëse vazhdoni të urinoni gjatë natës, do të ishte një zgjedhje e zgjuar nëse do t'i kërkonit doktorit që t'ju masë tensonin dhe marrjen e kripës në vizitën e rradhës.