 |
Është debatuar për vite: a janë vezët të mira apo të këqija për organizmin? Njerëzit që hanë tre ose katër vezë në ditë - ose ndonjë ekuivalent të 300 mg të kolesterolit dietik - janë më të rrezikuar nga sëmundjet e zemrës ashtu edhe nga vdekja e hershme krahasuar me ata që hanë më pak vezë, gjeti një studim i ri.
"Vezët, posaçërisht e kuqja e vezëve, janë një burim i madh i kolesterolit dietik", shkruan Viktor Zhong, autor kryesor dhe në Departamentin e Mjekësisë Parandaluese në Universitetin Northwestern të Mjekësisë në Feinberg në Çikago. Në një studim të botuar të premten në revistën mjekësore JAMA, ai dhe kolegët e tij vunë re se një vezë e vetme e madhe përmban rreth 186 mg kolesterol, siç raporton CNN.Hulumtuesit analizuan të dhënat nga gjashtë grupe studimi të SHBA-ve, duke përfshirë më shumë se 29,000 njerëz, të gjurmuar për mesatarisht 17 ½ vjet. Gjatë periudhës pasuese, ndodhën gjithsej 5,400 probleme kardiovaskulare, duke përfshirë 1,302 goditje fatale dhe jo-fatale, 1,897 incidente fatale dhe jo-fatale të zemrës dhe 113 vdekje nga sëmundjet e zemrës. Ndërsa rreth 6.132 pjesëmarrësish vdiqën nga shkaqe të tjera.
Konsumi i kolesterolit dietik prej 300 mg në ditë ishte i lidhur me një rrezik 3.2% më të lartë të sëmundjeve të zemrës dhe një rrezik 4.4% më të lartë të vdekjes së hershme, tregoi analiza e Zhong. Dhe çdo gjysmë vezë shtesë e konsumuar në ditë ishte e lidhur me një rrezik 1.1% më të lartë të sëmundjes kardiovaskulare dhe 1.9% rrezik më të lartë të vdekjes së hershme, gjetën ata.
Një arsye e mundshme për rezultate të paqëndrueshme në të kaluarën ishte fakti që studimet e tjera nuk kanë marrë parasysh se konsumi i vezëve mund të lidhet me sjellje të tjera jo të shëndetshme, siç janë aktiviteti i ulët fizik, pirja e duhanit dhe një dietë e keqe. Përveç kësaj, ushqimet me përmbajtje kolesteroli zakonisht janë të pasura me proteina yndyre të ngopura dhe shtazore.
"Në të kundërt, studimi i tanishëm përfshiu një vlerësim gjithëpërfshirës të këtyre faktorëve", shkruan Zhong dhe bashkëautoret e tij.
Në një editorial të botuar së bashku me studimin, Dr. Robert H. Eckel nga Shkolla e Mjekësisë e Universitetit të Kolorados shkruan se kjo temë është "e rëndësishme" për mjekët, pacientët dhe publikun në përgjithësi.
Megjithatë, krahasuar me analizat e publikuara më parë, raporti i ri "është shumë më i plotë, me të dhëna të mjaftueshme për të bërë një deklaratë të fortë se vezët dhe marrja e përgjithshme e kolesterolit dietik mbeten të rëndësishme për të prekur rrezikun e sëmundjeve kardiovaskulare," shkroi ai.
Marrëdhënia midis vezëve dhe rrezikut të sëmundjeve të zemrës dhe vdekjes së hershme është "modeste", tha ai. Megjithatë, konsumi më i lartë sesa mesatarja e kolesterolit ose vezëve është e lidhur me një rritje të incidenteve të sëmundjeve kardiovaskulare si goditja dhe vdekja e hershme, gjetjat e reja janë të rëndësishme kur merret parasysh popullsia në përgjithësi, tha ai.