10 sekonda para Puthjes së Parë

Nga Ph.D. Marty Nemko

Në tentativë për t'ju shmangur referencave akademike dhe tepër shkencore, kam zgjedhur që në vend të tyre të përshkruaj histori të shkurtëra psikologjike kuptimplota.

Sot do shkojmë në mendjen e Evës ndërsa është duke vendosur për të puthur Adamin.

Ishte një takim i parë dashurie: Adami mbërriti në kohë. Restoranti ishte i qetë dhe mund të flisnin. Folën që të dy thuajse gjysmën e kohës së qëndrimit në restorant, në fillim nisën të flisnin sipërfaqësisht por më pas biseda nisi të bëhej e thellë. Adami nisi të dukej joshës për Evën.

Tani janë përballë njëri-tjetrit. Është ai momenti kur dikush thotë "Natën e mirë!" ose "Dëshiron të hysh brenda?", apo thjeshtë duke ia ngulur sytë njëri-tjetrit në pritje të ndonjë sinjali.

Eva po mendonte të puthte Adamin:

"Mos vallë fryma ime vjen erë nga darka? Mos është shpejt? A mund ta lë që të penetrojë gjuhën? A dëshiroj me të vërtetë që ta takoj sërish? Është i mirë dhe më pëlqen, por deri tani nuk ekziston ndonjë "shkëndijë". Është pak pasiv. Sa mund të lëndojë një puthje? Por nuk jamë e gatshme të fle me të. Ndoshta nuk do fle kurrë. Ka kaluar shumë kohë. Jam e vetme, "ok", diçka epshore. Do jetë përvojë e mirë. Ndoshta nuk dëshiron të më puthë. Si mund të ndihem nëse më refuzon? Nëse bëjmë seks, do jem unë ajo që do këmbëngul që ai të vendosë prezervativ? Vërtetë? Jo, ti nuk do flesh me të sonte. Përse po më vërtitet mamaja në mendje? Dhe tani, ish-i dashuri? Ish-burri! Mjaft! Po mendoj jashtëzakonisht shumë! Thjeshtë qetësohu dhe lëre të më puthë nëse dëshiron. O Zot, mund të kenë kaluar vetëm 10 sekonda. Kjo është një botë e re. Ndoshta duhet t'ia filloj."

Ajo mësoi shumë gjëra nga ai thuajse në mënyrë të paperceptueshme. Ajo e puthi. Ai u gëzua.