Elementët terroristë synojnë gjithnjë vendet e mbipopullura, si sheshe, stacione të transportit urban, rrugë me shumë lëvizje, qendra tregtare, godina të policisë, institucione të tjera publike, spitalet e deri te shkollat. Pikërisht këto janë vendet ku vëmendje e autoriteteve të rendit dhe shërbimit informativ është më e madhe.
Policë të armatosur, por edhe agjentë civilë po kryejnë monitorim gjatë 24 orëve. Një ditë më parë është raportuar gjithashtu se Tiranë ndodhet në po të njëjtin nivel rreziku sa edhe kryeqyteti rus, Moska.
Prej ditësh Rusia ka nisur bombardimet e objektivave të ISIS në Siri e Irak. Ndërkohë që këtyre bombardimeve i është bashkuar edhe Franca, pas sulmeve të përgjakshme të një jave më parë në Paris.