Kombëtarja nis praktikimin e skemave anti-Serbi

 Kombëtarja shqiptare zhvilloi senacën e parë stërvitore në prag të ndeshjes kundër Serbisë. Deri në ditën e ndeshjes, trajneri De Biazi ka në program dy seanca stërvitore në ditë. Ai nuk ka dashur të humbasë kohë, duke nisur menjëherë stërvitjen me lojtarët që kishte në dispozicion.

Në seancën e parë ishte edhe Lorik Cana që ka kaluar dëmtimin në kavilje dhe pritet të zbresë në fushë duke nisur nga sfida e 8 tetorit.

Në stërvitjen e parë, trajneri De Biazi preferoi vetëm ushtrime shkrydhëse për futbollistët që mbyllën sfidat në kampionatet e ndryshme të Europës vetëm pak orë nga grumbullimi me kombëtaren.

Me bashkimin së fundmi në skuadër edhe të lojtarëve që luajtën të dielën në mbrëmje, si Hysaj, Balaj apo Roshi, por edhe Shehi e Salihi të impenjuar të hënën me Skënderbeun në Superligë, ritmi i përgatitjeve do të shtohet.