Gjyqtari Shqipëri-Serbi, italiani Ricoli

 Gjyqtari italian Nikola Ricoli do të drejtojë ndeshjen Shqipëri-Serbi në 8 tetor në “Elbasan Arena”, e vlefshme për eliminatoret e Kampionatit Europian.

Ricoli, një nga më të mirë në Itali dhe Europë, është edhe gjyqtar i FIFA-s, e cila e përzgjodhi të drejtojë finalen e Botërorit të Brazilit mes Gjermanisë dhe Argjentinës një vit më parë.

Ricoli shquhet për qetësinë e tij në fushë dhe tolerancën disi të tepruar ndaj ndërhyrjeve të rënda. I pëlqen të këshillojë futbollistët para se të marrë vendime maksimale.