Mediat greke të shqetësuara që Çamëria dhe Korfuzi përfshihen në flamurin që valëviti mbi Beograd

Një hapësirë të gjerë të ngjarjes së djeshme, ku një fluturake e telekomanduar valëviti flamurin e Shqipërisë së Madhe mbi stadiumin e Partizanit të Beogradit dhe që shkaktoi braktisjen e ndeshjes.

Mediat greke, pasi i bëjnë një përshkrim sipërfaqësorë ngjarjes së rëndë që ndodhi dje në Beograd, duke ia hedhur fajin shqipëtarëve, e quajnë flamurin që valëviti dje mbi Beograd "Shqipëria e Madhe Provokative".

Një hapësirë të konsiderueshme në artikujt e tyre, shumë media greke i kanë kushtuar përfshirjes së Çamërisë dhe Korfuzit në flamurin që valëviti mbi Beograd, duke mos i quajtur toka shqiptare Kosovën, Iliridën apo viset shqiptare në Malin e Zi.

Më tej, mediat greke qëndrojnë në një linjë me ato të Beogradit duke i kushtuar një hapësirë të detajuar vëllait të kryeministrit Rama, ku sipas mediave serbe pretendohet se ka telekomanduar fluturaken që valëviti flamurin e viseve shqiptare.