 |
Ky punim i ri propozon që kjo lidhje dopamine-motivim-inflamacion është "një mekanizëm adaptiv për të ndihmuar trupin të kursejë energji", që do të thotë kur sistemi imunitar ngrihet në funksion, nivelet tona të dopaminës dhe motivimit ulen.
"Kur trupi juaj është duke luftuar një infeksion ose duke shëruar një plagë, truri ka nevojë për një mekanizëm për të rikalibruar motivimin tuaj për të bërë gjëra të tjera në mënyrë që të mos përdorni shumë energji", thotë Michael Treadway, një profesor i asociuar në Departamentin e Emory i Psikologjisë, i cili studion marrëdhënien midis motivimit dhe sëmundjes mendore. "Tani kemi prova të forta që sugjerojnë se sistemi imunitar pengon sistemin dopamin për të ndihmuar trurin të kryejë këtë rikalibrim".
Nëse nuk jeni një ekspert i inflamacionit (nuk jeni mjek), ky hulumtim, thotë në thelb se nëse keni inflamacion kronik dhe të ulët, nivelet e dopaminës po kompromentohen dhe do të ndiheni më pak të motivuar për të bërë aktivitete që kërkojnë energji ( punë, ushtrime, etj.).
Kjo nuk është krejtësisht tronditëse, duke pasur parasysh atë që dimë për inflamacion- se është burim i shumë kushteve shëndetësore, përfshirë diabetin, sëmundjet e zemrës, obezitetin, hipertensionin dhe kancerin. Inflamacioni mund të jetë i fshehur ose i vështirë për t'u zbuluar, por siç thotë Amy Shah, MD, "Nëse keni simptoma si dhimbje koke, marramendje, dhimbje kyçesh, skuqje, lodhje, shtim në peshë, alergji, astmë, probleme të gjendjes shpirtërore - ka shuzmë të ngjarë të jeni të inflamuar."
Shkencëtarët planifikojnë të bëjnë më shumë kërkime në lidhje me këtë teori, pasi shohin implikime të mëdha për trajtimin e çrregullimeve psikiatrike. Në mënyrë të veçantë, shpresojnë të mbledhin më shumë njohuri në atë se si inflamacioni kontribuon në dëmtimet e motivimit në njerëzit me depresion, skizofreni dhe çrregullime të tjera klinike.
"Nëse teoria jonë është e saktë, atëherë mund të ketë një ndikim të jashtëzakonshëm në trajtimin e rasteve të depresionit dhe çrregullimeve të tjera të sjelljes që mund të nxiten nga inflamacioni", thotë bashkëautori Andrew Miller, profesor në Shkollën e Mjekësisë të Emory dhe Institutin e Kancerit të Winship . "Do të hapte mundësi për zhvillimin e terapive që synojnë shfrytëzimin e energjisë nga qelizat imune, gjë që do të ishte diçka krejtësisht e re në fushën tonë".
Çfarë do të thotë kjo për ju? Epo, nëse jeni vazhdimisht i stresuar, ose luftoni me obezitetin ose me sindromën metabolike, ka një shans të fortë që të keni inflamacion të ulët. Pra, e konsideroni këtë një thirrje për veprim - bisedoni me mjekun tuaj rreth inflamacionit, nëse keni apo nuk keni atë llojin e dëmshëm dhe pse. Vetëm atëherë mund të merrni masat e nevojshme për të qetësuar inflamacionin tuaj (dhe me shpresë të rritni nivelin e motivimit).