Ushqimet bazë për kontrollin e Tensionit të Gjakut

Ushqimet bazë për kontrollin e Tensionit të Gjakut
 
 Tensioni i lartë apo hipertensioni është problemi më i përhapur shëndetësorë në botë që lidhet kryesisht me stilin e keq të jetesës apo me pamundësitë për të bërë një jetë të shëndetshme.

Për njerëzit që kanë mundësi, ndryshimet në stilin e jetesës janë të domosdoshme për uljen e tensionit të lartë.

Disa prej arsyeve më të zakonshëm që kontribuojnë në rritjen e tensionit të gjakut janë: mbipesha, faktorët genetikë, pirja e tepërt e alkolit, sasitë e larta të kripës, mungesa e aktivitetit fizik.

Faktorë të tjerë janë : stresi, kontraceptivët, medikamentet kundër dhimbjeve dhe sëmundjet e veshkave.

Tensioni i gjakut rritet gjatë dimrit sepse temperaturat e ulëta ngushtojnë enët e gjakut dhe qarkullimi i tij bëhet më i sforcuar.

Limoni
Limoni është një nga kurat më të mira kundër tensionit të lartë të gjakut.

Ai i bën enët e gjakut më fleksibël, ndërkohë që vitamina C eliminon radikale te lira.

Limoni ul edhe nivelin e triglicerideve, gjë që ndikon tek mëlçia, nxit shtimin në peshë dhe ndikon tek tensioni.

Farat e Shalqinit
Farat e shalqinit përmbajnë substanca që zgjerojnë kapilarët e gjakut por edhe përmirësojnë funksionet e veshkave.

Ky rol nxit në uljen e tensionit të gjakut, madje ndihmon edhe kundër artritit.

Në një filxhan me ujë të zier, hidhni dy lugë çaji me fara të shtypura të shalqinit.

Lërini në ujë për një orë dhe më pas konsumoni katër lugë gjelle në intervale të ndryshme gjatë ditës.

Hudhra
Hudhra qetëson enët e gjakut dhe stimulon prodhimin e acidit nitrik.

Ekspertët rekomandojnë konsumin e një deri në dy thelbinj hudhër të shtypur me dorë.

Shtypja çliron një substancë që përmirëson qarkullimin e gjakut dhe ul tensionin ndaj zemrës.

Banania
Bananja është një burim i pasur i kaliumit që zbut efektet e kripës në organizëm.

Ekspertët rekomandojnë ngrënien e një deri në dy banane në ditë kundër tensionit të lartë të gjakut.

Selinoja
Substancat përbërëse të selinosë qetësojnë muskujt dhe arteriet dhe lehtësojnë qarkullimin e gjakut.

Këto substanca ulin nivelin e hormoneve të stresit që ngurtësojnë enët e gjakut dhe rrisin tensionin.

Ekspertët rekomandojnë ngrënien e një kërcelli selino në ditë.

Kujdes: nuk është e thënë që të konsumoni dy apo tre nga ushqimet e mësipërme brenda një dite, pasi mund të ndikojnë negativisht në shëndet. Për detaje të mëtejshme pyet mjekun përkatës.
Ushqimet bazë për kontrollin e Tensionit të Gjakut Ushqimet bazë për kontrollin e Tensionit të Gjakut Reviewed by Oculus News on 5/16/2019 12:18:00 AM Rating: 5
loading...
Powered by Blogger.