Çrregullimet e gjendjes shpirtërore përfshijnë probleme të ndryshme mendore si depreisoni, i cili mund të bëjë që gjendja shpirtërore të luhatet. Siç dihet, çrregullimet mendore janë komplekse. Mund të shkaktohen nga një sërë faktorësh si dieta, aktiviteti fizik, gjenet, ambjenti, personaliteti dhe çekujlibrat kimikë në tru, ose një kombinim i këtyre faktorëve.
Njerëzit në mbarë botën vuajnë nga çrregullime apo sëmundje të ndryshme mendore, por vetëm vitet e fundit shkencëtartë janë foksuar në rolin e rëndësishëm që ushqyesit luajnë në shëndetin mendorë.
Dieta luan një rol aq të madh në shëndetin mendorë, sa që disa shkencëtarë e konsiderojnë stomakun si "truri ynë i dytë".Disa ushqyes të provuar që lehtësojnë simptomat nga depresionit.
1. Zinku
Nëse vuani nga depresioni, duhet të konsideroni që t'i shtoni dietës suaj më shumë zink apo të merrni suplemente zinku. Një analizë e publikuar në dhjetor 2013 në revistën amerikane "Biological Psychiatry" (Psikiatria biologjike) analizojë 17 studime dhe gjeti se njerëzit që vuanin nga depreisoni kishin rreth 14% më pak zink se mesatarja në gjakun e tyre. Ndërsa njerëzit me probleme serioze me depresionin kishin akoma edhe më pak zink në gjak.
Sasia e rekomandueshme e zinkut për femrat është 9 mg dhe për meshkujt 11 mg. Burimet e zinkut gjenden tek mishi i kuq, tek molusqet (midhjet, gocat e detit, guackat), mishi i shpendëve, bathët dhe drithërat. Mundet gjithashtu të merrni edhe suplemente, por e sugjerueshme është të merret në mënyrë organike.
2. Acidet yndyrore Omega-3
Omega-3 jo vetëm që ndihmon në pridhimin e serotoninës në tru, por gjithashtu rrit ndjeshëm nivelin e funskionimit të sistemit imunitarë, sistemin endoktrinal, mushkëritë, zemrën, enët e gjakut, trurin dhe gjendjen shpirtërore. Acidet yndyrore omega-3 janë gjthashtu antiinflamatore, gjë që është e rëndësishme derisa depresioni shkaktohet pjesërisht nga inflamacioni në tru. Femrat duhet të marrin 1.1 gram në ditë dhe meshkujt të paktën 1.6 gram në ditë. Omega-3 mund të gjendet tek salmoni, arrorrët, peshku ton, farat e lirit.
3. Vitamina B12
Një studim finlandez gjeti se njerëzit që ishin duke u kuruar nga depresioni, tregonin nivele më të larta sulsesi nëse kishin nivel të lartë të vitaminës B12 në gjakun e tyre. Studimi gjurmojë 115 pacientë. Kur studiueist ndoqën pacientët për 6 muaj të tjerë, pasi seancat konsultative kishin përfunduar, gjetën se ata që kishin nivel të lartë të vitaminës B12 kishin pasur më pak simptoma që u lidhinin me agresivitetin.
Vitamina B12 gjendet tek mëlçia e viçit, peshku, vezët, produktet e baxhos dhe tek shpendët. Të vegjëlit duket të konsumojnë të paktën 0.4 mikrogram në ditë ndërsa të rriturit 2.4 mikrogram.
4. Vitamina D
Ashtu siç shumë njerëz mund ta dinë, vitamina D luan rol të rëndësishëm në lehtësimin e depresionit. Në fakt, një studim i bërë në Hollandë së fundi gjeti se të rriturit me nivel të ulët të vitaminës D shfaqnin simptoma të depresionit. Trupi e absorbon vitaminën D përmes rrezeve të diellit, por nëse jetoni në një vend ku dielli mungon, duhet të merrni suplemente me patjetër.
Për të vegjëlit nga 12 muajsh dhe më shumë rekomandohen mbi 400 IU (njësi ndërkombëtare matëse: IU) të vitaminës D, ndërsa për të rriturit mbi 19 vjeç rekomandohet një sasi rreth 600 IU ( një IU për vitaminën D është e barabartë me 00.25 mikrogram cholecalciferol) në ditë.
5. Acidi Folik
Sipas shumë studimeve dhe shkrimeve shkencore, mungesa e acidit folik mund të shkaktojë depresion. Sipas shumë studimeve që konvergojnë në një pikë, pacientët me depresion kishin 25% më pak acid folik në trupin e tyre se sa mesatarja.
Burimet më të mira të acidit folik gjenden tek zarzavatet, portokallet, drithërat, kikirikat dhe fasulet.
Si përfundim
Megjithëse dieta nuk mund ta trajtojë krejtësisht e vetme depresionin, sigurisht që mund të ndihmojë shumë në lehtësimin e simptomave. Nëse vuani nga depresioni, filloni me gjërat bazike: dieta, ushtrimet, kujdesi për veten dhe nëse është e nevojshme, terapia./Oculus News