Juria federale në Masaçusets e mori vendimin sot pas 14 orësh diskutimesh gjatë tre ditëve.
Tsarnaev nuk shfaqi ndonjë reagim ndërsa juria lexonte vendimin. Ai po e mbante kokën të ulur dhe duart mbi njëra-tjetrën.
21 vjeçari Tsarnaev u shpall fajtor muajin e kaluar për 30 akuzat federale kundër tij, 17 prej të cilave linin hapur mundësinë për dënim me vdekje.
Mbrojtja e tij u përpoq t’i shpëtonte jetën duke ia hedhur pjesën më të madhe të fajit, vëllait të tij të radikalizuar.
Por prokurorët e paraqitën Tsarnaevin si një partner të barabartë në sulm dhe si aq të pashpirt saqë një nga bombat e vuri pas disa fëmijëve, duke shkaktuar vdekjen e një djali 8 vjeçar.
Tags
bota