Shqipëria thellon bashkëpunimin ushtarak me Britaninë e Madhe

Dy ministrat e Mbrojtjes diskutuan edhe temat e prekura gjatë Samit të Uellsit, ku u diskutua për krizën në Ukrainë dhe konfliktin në Siri dhe Irak. Fallon shprehu vlerësim për kontributin e Shqipërisë në luftën ndaj Shtetit Islamik.

Të dy ministrat shprehën nevojën e intensifikimit të shkëmbimit të informacionit mes dy vendeve për sa i përket luftëtarëve të huaj në këto konflikte dhe kriza.
Gjithashtu vlerësuan stërvitjet e përbashkëta mes Forcave të Armatosura të dy vendeve dhe diskutuan idenë e vazhdimit të formatit të stërvitjes “Abanian Lion” edhe në të ardhmen.