Vdes një shtetas britanik në Shkup, dyshohet Ebola

 Një shtetas anglez ka vdekur ditën e sotme në një klinikë për sëmundjet infektive në Shkup. Dyshohet se shkak ka qenë virusi i shumëpërfoluar Ebola, sipas kanalit televiziv maqedonas Alfa TV.

Raportohet se shtetasi anglez ka vdekur pak më vonë pasi kishte mbërritur në spital.

Ndërkaq dyshohet se edhe një tjetër shtetas britanik ka shfaqur simptoma të Ebolës.

Virusi Ebola pretendohet se ka marrë mijëra jetë njerëzish në Afrikën Lindore dhe se është përhapur në Europë dhe Amerikën Veriore.