Shkenctarët britanikë, në një studim të fundit, sugjerojnë se zgjidhja për pakësimin e numrit të personave me diabet është moskonsumimi i pijeve me gaz.
“Përfitimet do të jenë tek të gjithë ata që do të reduktojnë pijet e gazuara, pavarësisht peshës që kanë”, shprehet për BBC doktor Fumiaki Imamura, drejtuesi i studimit.
Studimet kanë paralajmëruar prej kohësh për lidhjen që ka mes obezitetit, pijeve me sheqer e ëmbëlsues artificialë, dhe diabetit. Por studimet e fundit kanë vënë re se diabeti ndonjëherë është i lidhur drejtpërdrejt me konsumimin e pijeve të gazuara, pavarsisht peshës trupore. Megjithatë, studiuesit paralajmërojnë se masa e reduktimit të tipit 2 të diabetit nuk mund të ulet vetëm duke hequr konsumimin e pijeve të ëmbla me gaz, por për këtë rekomandohet dhe aktiviteti fizik e masa të tjera..