Loading...

Dashuri, Gjak dhe historia e lashtë e ngjyrës së Kuqe

Dashuri, Gjak dhe historia e lashtë e ngjyrës së Kuqe

 Ngjyrat kanë domethënje të ndryshme për njerëz të ndryshëm në hapësirë dhe kohë, por ngjyra e kuqe ka mbetur prej mijëra vjetësh një mënyrë integrale e përfaqësimit të urrejtjes, dashurisë dhe lluksit.

Në një libër të ri mbi historinë e ngjyrave që nga mesjeta, historjani Mishel Pastorau sjell informacione të pasura në lidhje me ngjyrën e kuqe. 

Që në fillim të librit Pastorau bën një citim të bujshëm: E kuqja është ngjyra arketipe, ngjyra e parë që njerëzit mësuan të prodhojnë e riprodhojnë, fabrikojnë dhe ta ndajnë në spektre të ndryshme, është ngjyra e parë e përdorur në piktura. Kjo e ka bërë këtë ngjyrë më të famshme se ngjyrat e tjera përgjatë mijëvjeparëve.

Libri bazohet në prehistori që nga shpellat e Spanjës rreth 30,000 para Krishtit dhe deri në shekullin e 20. Me interes të veçantë në studimin e tij është e kuqja në kontekstin e Egjiptit të lashtë dhe Mesdheut. Siç ka qenë rasti i pikturave prehistorike, ku egjiptjanët përdornin hematite, minerali nga oksidi i hekurit. Përdornin gjithashtu sulfitin e mërkurit të importuar nga Spanja dhe realgarin. Të tre produktet ishin të shtrenjta dhe duhej t'u përdornin në mënyrë të moderuar. Artizanët egjiptjan u bënë tejet të aftë në prodhimin  engjyrës së kuqe duke ripërpunuar pëlhurat e lyera me të kuqe.

Grekët dhe romakët gjithashtu e vlerësonin ngjyrën e kuqe tek veshjet, flokët, pikturat dhe "meikapet". Afresket e pikturuar me sulfurin e mërkurit në shumë shtëpi të epokës "pompei" komunikonin lluks. E kuqja u përdorte gjithashtu në mbishkrime dhe më vonë në dorëshkrime mesjetare. Mbishkrimet romake zakonisht ishin të bardha me gërma të kuqe.

Historian argumenton se as latinët dhe as grekët nuk kishin një mbiemërorë për ngjyrën "rozë". Mbiemri "roseus", lidhej me fjalën "rosa" (trëndafil) dhe jo me të kuqen. Por ekzistonte një fjalë e rrallë për ngjyrën rozë të ftohtë të përmendur në shekullin e III nga perandori Aureli: Ai gjithashtu i lejonte gratë e martuara që të mbanin tunikë dhe të tjera veshje në ngjyrë vjollcë. Mbiemri "oxypaederōtinus" duket se nënkupton një ngjyrim të rozës.

Mënyra se si ne e përdorim gjuhën e ngjyrave është magjepsëse dhe provokuese. Një romak mund të thoshte: "Më pëlqejnë togat e kuze ose i urrej lulet blu; por ishte tejet e vështirë për të që të thoshte se e urrej të kuqen apo blunë pa specifikuar diçka të veçantë. Sipas historianit, abstraksioni i ngjyrës nuk ishte i zakonshëm dhe se shpesh lidhej me një objekt.

E kuqja ishte gjithashtu pjesë integrale e lojërave të romakëve. Përdorej dendur në arenat e gladiatorëve dhe në pikturat e tyre.

Në fakt ekzistojnë shumë informacione për të shkruar për ngjyrën e kuqe, të cilat sigurisht që nuk mund të përmblidhen në këtë postim, duke e mbyllur kështu me një pasazh të vogël nga libri i Pastoraut në lidhje me ngjyrat: Njohuritë tona, sensibiliteti ynë, të vërtetat e ditëve të sotme, nuk janë ato të djeshmet dhe nuk do jenë kurrë ato të nesërme./Oculus News
Dashuri, Gjak dhe historia e lashtë e ngjyrës së Kuqe Dashuri, Gjak dhe historia e lashtë e ngjyrës së Kuqe Reviewed by Marion Mardodaj on 9/30/2017 06:36:00 PM Rating: 5
Loading...
Powered by Blogger.