Loading...

Fëmijët Shqiptarë në Greqi duan libra në Gjuhën Shqipe

Ministri i Diasporës, Valon Murati ka pritur një grup nxënësish dhe mësuesish shqiptarë të Shkollës Shqipe në Greqi.

Pasi u uroi mirëseardhje, ministri Murati i njoftoi mysafirët për objektivat e Ministrisë së Diasporës, për nënshkrimin e marrëveshjes së përbashkët mes dy qeverive shqiptare për programe të përbashkëta shkollore dhe aktivitete të përbashkëta kulturore, marrëveshje kjo që pritet të realizohet me punën e përbashkët të grupeve të punës.

“Diaspora shqiptare, kudo ku është, është e pandarë, është një pasuri shumë e madhe dhe e rëndësishme e vendit tonë. Diaspora jonë ka luajtur një rol të madh gjatë historisë. Është e rëndësishme që ajo të shihet edhe si forcë intelektuale e politike, prandaj dalëngadalë atje ku jetoni të bëheni jo vetëm pjesë intelektuale e atij vendi, por edhe pjesë politike e tij”, tha ministri Murati.

Në këtë takim, ministri Murati tha se do të bëjnë përpjekje që të krijohen rrjete të bizneseve, të të rinjve dhe shoqatave shqiptare edhe në Greqi, pasi nevoja për një organizim të diasporës shqiptare atje është e madhe.

Ndërkaq, mysafirët shqiptarë nga Greqia e falënderuan Ministrinë e Diasporës për përkrahjen dhe mbështetjen që po ua ofron për realizimin e këtij ekskursioni mësimor-njohës. Ata patën një kërkesë që t’u sigurohen më shumë libra shqip për fëmijët e mësimit shqip në Greqi.

Vlen të theksohet se e gjithë puna e këtyre mësuesve organizohet në mënyrë vullnetare, vetëm e vetëm që fëmijët shqiptarë në Greqi të mos e harrojnë gjuhën amtare, ta ruajnë kulturën dhe identitetin e tyre.

Nxënësit dhe mësuesit e shkollës shqipe në Greqi do të qëndrojnë në Kosovë disa ditë, ku do të vizitojnë vende me rëndësi historike, si kompleksin memorial “Adem Jashari”, Shpellën e Gadimes etj./atsh/
Fëmijët Shqiptarë në Greqi duan libra në Gjuhën Shqipe Fëmijët Shqiptarë në Greqi duan libra në Gjuhën Shqipe Reviewed by Marion Mardodaj on 6/28/2015 12:29:00 PM Rating: 5
Loading...
Powered by Blogger.