6 ushtarë ukrainas u vranë në lindje të vendit në dy incidente të veçuara, duke vënë seriozisht në rrezik armëpushimin e shkurtit.
Qeveria ukrainase bëri përgjegjës forcat rebele pro-ruse për këto sulme.
I pari ndodhi në një qytezë në afërsi të Luhanskut. 4 ushtarë humbën jetën, pasi automjeti me të cilin udhëtonin u godit me predha.
2 të tjerë u vranë pranë Mariupolit nga shpërthimi i një mine antitank. Në këtë incident mbeti i plagosur edhe një tjetër ushtar që u dërgua në spital me plagë të rënda.
Sulmet u paraprinë nga një shpërthim në Donjeck një ditë më parë ku u vranë 3 ushtarë të tjerë.
Që prej shkurtit, armëpushimi mes qeverisë dhe rebelëve i arritur në Minsk me ndërmjetësimin rus, gjerman dhe francez është dëmtuar rëndë nga disa incidente sporadike.
Rreth 6 mijë persona janë vrarë që prej nisjes së konfliktit në Ukrainën Lindore vitin e kaluar.
Tags
bota