Loading...

Rusi, vritet me 4 plumba pas shpine udhëheqësi i opozitës


Politikani rus, Boris Nemtsov, një prej figurave kryesore të opozitës, është qëlluar për vdekje me armë zjarri në Moskë, raportojnë mediat ruse.

Agjencia e lajmeve ruse, “Interfax” shkruan se Nemtsov është qëlluar në shpinë me katër plumba në qendër të Moskës, pranë Kremlinit. Ekzekutimi i tij ndodhi pak orë pas thirrjeve për protesta kundër luftës në Ukrainë. Në një intervistë të kohëve të fundit, ai kishte shprehur hapur kundërshtitë e tij ndaj luftës në Ukrainë, por në anën tjetër ndjehej i frikësuar nga një eliminim i mundshëm.

Kremlini ka thënë se Putin dënon vrasjen, por deri tani nuk ka pasur asnjë deklaratë publike të tij.

Thorbjorn Jagland, sekretar i Përgjithshëm i Këshillit të Evropës, dënoi vrasjen, duke shkruar në “Tëitter”: Jam thellësisht i tronditur për vrasjen e udhëheqësit kryesorë të opozitës. Autorët duhet të dalin para drejtësisë.

Bëhet e ditur se politikani ishte duke lëvizur në këmbë, bashkë me një femër, në momentin kur është qëlluar nga persona të paidentifikuar.

Nemtsov, 55 vjeç, shërbeu si zëvendëskryeministër në kohën e presidentit të ndjerë, Boris Jelcin, në vitet ’90. Ai u shqua si një reformator ekonomik, ndërsa shërbeu për një periudhë edhe si guvernatori i qytetit Nizhny Novgorod.

Pas ardhjes në pushtet të Vladimir Putin, ai u bë njëri prej politikanëve kryesorë të opozitës në Rusi.
Rusi, vritet me 4 plumba pas shpine udhëheqësi i opozitës Rusi, vritet me 4 plumba pas shpine udhëheqësi i opozitës Reviewed by Marion Mardodaj on 2/28/2015 11:20:00 AM Rating: 5
Loading...
Powered by Blogger.