Loading...

Senatori amerikan fillon turin ballkanik më 14 tetor

Senatori amerikan fillon turin ballkanik më 14 tetor
Senatori amerikan, Chris Murphy do vizitojë Shqipërinë javën e ardhshme, si pjesë e turit në Ballkan.  Forcimi i marrëdhënieve me SHBA-në dhe mbështetja për integrimin e Ballkanit në BE dhe në NATO, është qëllimi i vizitës së senatorit Murphy. Rëndësi të veçantë gjatë takimeve, senatori Chris Murphy do i kushtojë mbështetjes për rimëkëmbjen e sistemit energjetik në rajon, sundimit të ligjit e transparencës për rritjen ekonomike, si dhe normalizimit të marrëdhënieve mes Serbisë dhe Kosovës. Pjesë e vizitës së senatorit amerikan, Murphy  janë Kosova, Serbia, Kroacia dhe Mali i Zi.

Senatori Murphy do të takohet me zyrtarë të qeverisë dhe organizatat jo-qeveritare për të diskutuar lidhur me mundësitë për bashkëpunim mes bizneseve të Konektikatit dhe rajonit, në eksportimin e mallrave. Në axhendën e takimeve të senatorit amerikan janë edhe ministrat e Mbrojtjes dhe përfaqësuesit  e Dhomës Amerikane të Tregtisë në rajon.

Kryetari i Marrëdhënieve të Jashtme të Senatit të Nënkomitetit për Çështjet Evropiane, Chris Murphy do të nisë turin e tij në rajonin e Ballkanit më 14 tetor./nacional/
Senatori amerikan fillon turin ballkanik më 14 tetor Senatori amerikan fillon turin ballkanik më 14 tetor Reviewed by Marion Mardodaj on 10/11/2014 12:44:00 PM Rating: 5
Loading...
Powered by Blogger.