Loading...

Kosova, Shqipëria dhe Mali i Zi, së shpejti me marrëveshje për kufirin

Një marrëveshje historike në pikën e takimit të kufijve të tre vendeve të Ballkanit, Shqipërisë, Malit të Zi dhe Kosovës do të nënshkruhet së shpejti, njoftoi ministri i Brendshëm i Malit të Zi.
Marrëveshja, që u propozua nga Mali i Zi, synon të zgjidhë pjesërisht një mosmarrëveshje për kufirin mes Malit të Zi dhe Kosovës që ka zgjatur që prej vitit 2011.


“Arritja e një marrëveshje mes Malit të Zi, Shqipërisë dhe Kosovës do të kontribuojë në zhvillimin e marrëdhënieve të mira të fqinjësisë, stabilitetit dhe bashkëpunimit në rajon,” tha ministri për BIRN.

Caktimi i kufirit mes Malit të Zi dhe Shqipërisë ka përfunduar në vitin 2009, por të dy vendet kanë ende pretendime që nuk janë zgjidhur pavarësisht 12 takimeve që kanë zhvilluar.

Kosova dhe Mali i Zi filluan konsultimet për nënshkrimin e një marrëveshje për caktimin e kufirit në vitin 2011. Mali i Zi kufizohet 79 kilometra me Kosovën, në verilindje.

Edhe pse ka vite që janë kryer bisedimet, Kosova dhe Mali i Zie kanë shtyrë firmosjen e një marrëveshje pa dhënë shpjegime.

Këto dy vitet e fundit, banorët në fshatrat kufitarë pranë qytetit perëndimor të Kosovës, Pejë, kanë protestuar në disa raste për kufirin e paqartë.
Kosova, Shqipëria dhe Mali i Zi, së shpejti me marrëveshje për kufirin Kosova, Shqipëria dhe Mali i Zi, së shpejti me marrëveshje për kufirin Reviewed by Marion Mardodaj on 10/22/2014 03:47:00 PM Rating: 5
Loading...
Powered by Blogger.